Би хэн болох вэ?
3-аас дээш насны хүүхдийн өөрийгөө танихуй цуврал-2. Энэ нь шүлэглэсэн хэлбэрээр бичигдсэн, хүүхдийн өөрийгөө болон бусдыг хайрлах харилцаанд суралцахад туслах ном юм.
Хүүхдэд эрүүл амьдралын хэв маягийг багаас нь таниулах, бусдыг хүлээн зөвшөөрөх, хүндлэхийг сургамжит байдлаар илэрхийлсэн. Бага балчир наснаасаа бусдыг хүлээн зөвшөөрөхөд суралцсанаар ирээдүйд хэн болон төлөвшихөд нь чухал нөлөөтэй.
Бага насны хүүхдийн өөрийн насанд тохирсон хариуцлагыг ухамсарлах нь хичнээн чухал болохыг, мөн эрдэм номонд шамдан суралцахын ач тусыг өгүүлсэн.
Тиймээс аав ээжүүд бид хүүхдийнхээ өөрийгөө танихуйг нь хөгжүүлэхдээ эртнээс анхаарах, өөрийгөө хариуцахад суралцуулах, эрүүл амьдралын дадал хэвшлийг төлөвшүүлэхэд анхаарах хэрэгтэй юм.
Өөрийгөө танина гэдэг хүүхэд байхаасаа л эхлэн өөрийн дуртай дургүй зүйлсийг ялган мэдэх, хариуцлагад суралцах, харилцаа хандлага эерэгээр тогтох, өөртөө итгэх, бусдыг хүндэтгэх, хүлээн зөвшөөрөх гэх зэрэг сайн зан чанарууд төлөвшихөд нь тустай.
Цаашилбал сурах хөдөлмөрт шамдах, боловсрол эзэмших, зорилготой байх, түүндээ тууштай хандах, тэсвэр хатуужилтай болох, эрүүл зөв амьдралын дадал тогтох, мэдлэгжих зэрэг амьдралын энгийн хэвшлүүдтэй болоход нь сайнаар нөлөөлөх юм. Монгол Англи хэл дээр хэвлэгдсэн, стикер наалттай, сонирхолтой дасгалтай.
Би хэн болох вэ? номын зорилго
Бага насны хүүхдэд нас насандаа тохирсон үүрэг хариуцлагад суралцахад нь туслах
Ямар ч хүн өөрийнхөө өмнө болон бусдын өмнө хариуцлага хүлээдэг болохыг таниулах
Хүүхэд бусад хүмүүсийг хүндэтгэн харилцах, хүлээн зөвшөөрөхөд суралцах
Үргэлж тасралтгүй суралцаж, мэдлэгийн хүрээ тэлж байхыг ойлгуулах
Эрдэм мэдлэгтэй хүн өөртөө амжилт олоод зогсохгүй бусдад ч тус дэм болдгийг таниулах
Өөрийгөө ойлгосноор бусдыг ойлгох, эерэг хандлага харилцаанд суралцахад нь туслах
Хүүхэд багаасаа өөрийн биеийг хариуцаж, эрүүл амьдралын дадал хэвшилд эртнээс суралцах
Хүүхэд хариуцлагатай байх тусмаа өөртөө итгэх итгэл нэмэгдэж, илүү сайн суралцан хөгждөгийг таниулах
Сахилга бат гэдэг хариуцлагаа ухамсарлахаас эхэлдэг, түүнийг бат мөрдөж сахих нь нийгмийн харилцаанд хүүхдийг бэлтгэх
Аав ээжийнхээ үгийг сонсох нь хүүхдийн өөрийнх нь төлөө гэдгийг ойлгуулснаар аливаа бүхэнд хэм хэмжээ заавал байдгийг таниулах
Өөрийнхөө бодол, үг, үйлдэлд дүгнэлт хийснээр хариуцлагаа ухамсарлах
Шүлэглэн бичсэний учир Монгол үгийн баялаг сангаас өдөр тутамдаа хэрэглэх хэрэглээнд бага ч болов нэмэр тус болох
Хүүхдийн Монголоороо бодох, сэтгэх, харилцах, суралцахад нь дэм болох зорилгоор зүйрлэл бүхий шүлэглэсэн мөртүүдээр бичигдсэн, Монгол сэтгэлгээг харуулсан зэрэг зорилго, ач холбогдол бүхий ном юм.