Энгийн амьдрах жор

Өнгөрсөн амьдралаа бодоод гутарч сүйд болохгүй ч юу туулсанаа, сургамж болохыг нь хааяа дурсаж байх хэрэгтэй. Гишгэсэн мөрөө эргэж харах нь хүнд бас ухаарал өгдөг шүү…

Заримдаа урсах ёстой нулимсыг урсгаж, уудлах ёстой үгсийг уудлан уужрах нь зөв. Урссан нулимс сэтгэлийн шаналанг угааж, уудалсан сэтгэл зүрхний багтрааг анагаана.

Гэнэт тэсэрсэнээс Гэмгүй мөлхсөн нь дээр.

Цаг нь болохоор цэцэг хүртэл хагдарч, хүн ч бас буцдаг хорвоо…

Баян тансаг амьдралын дүр бүтээж бус жинхэнэ аз жаргалыг мэдэрч өөрийнхөөрөө л амьдрах сайхан…

Амжилтандаа бүү бард. Зүтгэсэн бүхэнд ирдэг шагнал.Алдаандаа бүү гутар. Засаж чадвал ухааруулдаг шалгалт…

Амьдрал олон өнгөтэй. Тэр олон өнгөнд будагдаж, сүлэгдсэн ч хамгийн чухал үндсэн өнгийг л бусдад нь уусгалгүй авч үлдэх хэрэгтэй. Энэ бол хүн чанар, хүн байх урлаг.

Эрсдэлтэй алхам хийж амжилтанд хүрдэг Эс бөгөөс шинэчлэл үгүй.

Алхам алхмаар төлөвлө, амжилт мөрөөдөл хоёул аажим аажмаар ирнэ…

Байгаагаараа байх шиг сайхан зүйл байхгүй. Угаасаа цорын ганц төрсөн байж бусдыг дууриах нь өөрийгөө үгүйсгэж байгаа тэнэг хэрэг.