Энгийн амьдрах жор

Хувь заяа болсон эх орон минь Хуучны уламжлалаар сургамжилсан эх түүх минь Хувиршгүй зүрх сэтгэл Монгол тунхаглал минь Хуудуугүй үнэнч хайрлах зүрхний эрхэм үүсгэл минь…

Хүмүүжилтэй хүн хайр татам. Харин хүмүүжлийн доголдолтой хүн хайр даадаггүй.

Шалтгаангүй нэг ч зүйл үгүй, амьдралын түүхээ сөхөж хар! Алхсан мөрөө ч эргэж хар!

Хүний хөгжлийн суурь нь хүмүүжил. Бат суурьтай зөв төлөвшлийг орхигдуулвал жинхэнэ боловсрол эзэмших эсэх эргэлзээтэй…

Хүүхэддээ бүрэн анхаарал хандуулаад нүд рүү нь харан ярилцаарай. Тэндээс нар мандах болно.

Хэмжээтэй, хязгаартай энэ орчлонд илүүдсэн бүхэн жаргалыг устгана, дутагдсан бүхэн зовлонд унагана.

Чин сэтгэл, итгэл найдвар, хичээл зүтгэл байсан цагт хэзээ нэгтээ санасандаа хүрнэ.

Хайрлуулж өссөн хүүхэд бусдыг хайрлахад суралцана. Хатуужуулж өсгөсөн хүүхэд сэтгэлийн тэнхээг сурна. Өгөөмөр сэтгэлд сурга, атаархлын үр сэтгэлд нь ургахгүй. Өтгөсийг хүндэлж сурга, буян заяа нь тэгш явна.

Үнэхээр магтууштай бүхэнд үг харамлаад яанам. Үзээрийн муу муухайд үг хүртэл хайран…

Уламжлал заншил ухаан задална. Эх хэл эрдэмд хөтөлнө. Үгүйсгэн тэднээс холдох ахул үндэстний дархлаа мөхөлд ойртоно…