Миний дотор хэн байна ? * Урла Тогло

ҮНЭ: 15,000₮

Миний дотор хэн байна?

3-аас дээш насны хүүхдийн өөрийгөө танихуй цуврал-1. Энэ нь шүлэглэсэн хэлбэрээр бичигдсэн, хүүхдийн өөрийгөө таних, бусадтай харилцах харилцаанд суралцахад туслах ном юм. Хүүхдийн сониуч зан чанарын илэрхийллүүдийг сургамжит байдлаар гаргасан. Бага балчир наснаасаа өөрийгөө танин мэдэх нь ирээдүйд хэн болон төлөвшихөд хамгийн чухал бөгөөд хувь хүний үнэ цэнийг бүтээхэд эерэг нөлөө үзүүлэх ач тустай.

Тиймээс аав ээжүүд бид хүүхдийнхээ өөрийгөө танихуйг нь хөгжүүлэхэд эртнээс анхаарах хэрэгтэй бөгөөд хүүхдэд зориулсан энэ төрлийн ном авч уншиж өгөх, өөрсдөөр нь уншуулахад анхаарч байх хэрэгтэй.

Өөрийгөө танина гэдэг хүүхэд байхаасаа л эхлэн өөрийн дуртай дургүй зүйлсийг ялган мэдэх, өөрийн гэсэн зөв хандлага төлөвших, ертөнцийг үзэх үзэл нь эерэгээр тогтох, өөртөө итгэх, бусдыг хүндэтгэх гэх зэрэг сайн зан чанарууд төлөвшихөд нь тустай.

Цаашилбал сурах хөдөлмөрт шамдах, боловсрол эзэмших, зорилготой байх, түүндээ тууштай хандах, тэсвэр хатуужилтай болох, эрүүл зөв амьдралын дадал тогтох, мэдлэгжих зэрэг амьдралын энгийн хэвшлүүдтэй болоход нь сайнаар нөлөөлөх юм. Монгол Англи хэл дээр хэвлэгдсэн, стикер наалттай.

Миний дотор хэн байна номын зорилго

Бага насны хүүхдийн сониуч зангийн илрэл нь танин мэдэхүйд хөтөлж байдгийг хүүхдэд таниулах

Хүүхэд хэдий эрт өөрийгөө болон бусад зүйлсийг танин мэдэж ойлгох тусам илүү их хөгжих боломж бий болдогийг олж мэдэх

Аливаа зүйлсийг танин мэдэх тусам мэдлэгийн хүрээ тэлж, илүү их суралцахад хөтөлдөг болохыг ойлгуулах

Өөрийгөө ойлгосноор бусдыг ойлгох, эерэг хандлага харилцаанд суралцахад нь туслах

Хүүхэд багаасаа өөрийн дуртай дургүй зүйлсийг мэдсэнээр бусдын ятгалга, буруу зүйлд татагдахгүй байхад суралцах

Өөрийгөө эрт таних тусмаа өөртөө итгэх итгэл нэмэгдэж, илүү сайн суралцан хөгжих боломжийг нээх

Хүүхэд дотроо өөрөөсөө асуулт асууж сурах нь аливаа зүйлийг хийхдээ зөв бурууг дэнсэлж сурах, зөв шийдвэр гаргах, бие даахад суралцах

Өөрийнхөө бодол, үг, үйлдэлд дүгнэлт хийх, алдаатай бол засаж залруулахад суралцах

Хүрээлэн буй орчныг хайрлан хамгаалах, орчин тойрондоо хор хөнөөл учруулахгүйгээр биеэ зөв авч явах соёлд суралцах

Байгалийн үзэгдэл болон бусад сайн сайхан зүйлсээс гоо зүйн таашаал авахад суралцах

Монгол ахуй, ёс заншил, амьдралын сонин хачнаас суралцах, танин мэдэх, өөдрөг, сониучаар өв соёлыг уламжлуулан өвлүүлэх

Шүлэглэн бичсэний учир Монгол үгийн баялаг сангаас өдөр тутамдаа хэрэглэх хэрэглээнд бага ч болов нэмэр тус болох

Хүүхдийн Монголоороо бодох, сэтгэх, харилцах, суралцахад нь дэм болох зорилгоор зүйрлэл бүхий шүлэглэсэн мөртүүдээр бичигдсэн, Монгол сэтгэлгээг харуулсан зэрэг зорилго, ач холбогдол бүхий ном юм.

Аав ээж та бүхэн шүлэглэсэн мөр болгоны үгийг тайлж, утгыг сонжиж үзвэл лавтай цаад санаа, дээр өгүүлсэн бүхнийг олж мэднэ гэдэгт итгэж байна.